Бишкекте жаңы көпүрө ачылды. Президент А.Атамбаевге ал анча жакпады

Бишкектеги бүгүн, 26-октябрда Түштүк магистраль көчөсүндөгү көпүрөнүн ачылышына катышкан президент Алмазбек Атамбаев көпүрөнүн тротуарынын тар болуп калганын айтып "буга жол берген кызматкерди жоопко тартыш керек" деди. Тротуарды 2 метрге чейин кеңейтүүнү мэр Иса Өмүркуловго дайындады. "Бул иш мамлекеттик архитектура менен шаардык архитектуранын деңгээлин көрсөтөт. Көпүрө жакшы, бирок жөө адамдар өтүүчү жагын иштеп чыгуу зарыл. Эртеӊ буга да Атамбаев күнөөлүү деп чыгышат. Мындай чечим кабыл алган адамды иштен айдаш керек",- деди президент.