"Кумтөр" боюнча айыпталып кармалган экс-министрлер бошотулду

"Кумтөр" боюнча айыпталып кармалган экс-министрлер Болот Абилдаев менен Темирбек Акматалиев үй камагына бошотулду. Муну Октябрь райондук сотунан билдиришти. Чечимди Октябрь райондук сотунун судьясы Анарбек Мамбеталиев чыгарды. Эске салсак, 25-октябрда Башкы прокуратуранын көзөмөлүндөгү мекемелер аралык тергөө тобу мурдагы экология жана өзгөчө кырдаалдар министри Темирбек Акматалиев менен экс-каржы министри Болот Абилдаевди кармашкан эле.  

Болот Абилдаев:   

1991-93-жылдары КРнын чийки заттык биржасынын вице-президенти  

1993-94-жылдары "Дасмия" ЖЧКсынын директору  

1994-96-жылдары кыргыз-казак биргелешкен "КиК Ltd" ишканасынын директору  

1996-97-жылдары Мамлекеттик салык инспекциясынын башкы инспектору  

1997-99-жылдары Свердлов районунун аймактык казыначылык бөлүмүнүн башчысы  

1999-2000-жылдары Каржы министрлигинин алдындагы "Түндүк" темир жолу бажысынын башчысы  

2000-2002-жылдары Каржы министрлигинин Борбордук казыначылыгынын директору  

2002-2003-2005-жылдары Каржы министри

2006-жылы орусиялык "Газпром" компаниясынын президентинин кеңешчиси  

2006-жылдын июль айынан бери "Газпром нефть Азия" ЖЧКсынын башкы директору болуп иштейт. 

Темирбек Акматалиев:   

1996-1998-жылдары Ала-Бука районунун акими  

1998-1999-жылдары Талас облусунун губернатору

1999-2001-жылдары Ош облусунун губернатору  

2001-2002-жылдары Каржы министри

2002-жылдын 18-январынан ошол жылдын май айына чейин ички иштер министри болуп иштеп, Аксы окуясынан кийин отставкага кеткен  

2002-жылдын 14-августунан 2003-жылдын 18-декабрына чейин президенттик администрациянын жетекчисинин орун басары  

2003-жылдын 18-декабрынан 2004-жылдын февраль айына чейин экология жана өзгөчө кырдаалдар министри болуп турган. 

Кийин бир катар кызматтарда иштеп, 2005-жылы экология жана өзгөчө кырдаалдар министри болуп кайра дайындалып, бир топ убакытка иштеген.