Бир күндө 33 дарыгер коронавируска кабылганы аныкталды

Бир сутка ичинде коронавирус жуктуруп алган медицина кызматкеринин саны 33тү түздү. Саламаттыкты сактоо жана социалдык өнүктүрүү министрлигинин маалыматына ылайык, алар төмөнкү аймактарда катталды.

Бишкекте – 14;
Ош шаарында – 2;
Баткенде – 5;
Жалал-Абадда – 2;
Ысык-Көлдө – 1;
Нарында - 1;
Ош облусунда – 3;
Чүй облусунда – 5.

Ал эми соңку суткада стационардан 5, үй карантинден 5 медицина кызматкери айыгып чыкты.

Муну менен республика боюнча медицина тармагынын 5 миң 300 кызматкери коронавирус инфекциясынан жабыркаса, анын ичинен 4 миң 840 кызматкер айыкты.