Америкада тоодо адашып кеткен турист 9 күн бою мөмө-жемиштерди жеп күн өткөргөн

Американын Вашингтон штатындагы Норт-Бенд шаарына жакын жердеги тоого чыккан турист адашып, куткарылганга чейин мөмө-жемиш менен күн өткөргөн. Бул тууралуу чет элдик маалымат булактары жазып чыкты.

"18-июнда 25 жаштагы Эндрю Деверс тоого чыгып кеткен бойдон кайра кайтып келген эмес. Куткаруучулар аны издөө иштерин уюштурушкан, бирок натыйжа болбой 25-июнда издөө иштери токтотулган. 27-июнда эртең менен туристти Орто Форк Снукалми дарыясынын жээгиндеги жолдун башталышына жакын жерден жөө күлүк чуркап баратып көрүп калган. Турист аман калуу үчүн дарыядан суу ичип, мөмө-жемиштерди жеген. Ал дарыгерлердин көзөмөлүнө алынган", - деп айтылат маалыматта.