Бишкек аймактык шайлоо комиссиясы бир катар саясий партияларга жазуу жүзүндө эскертүү берет

Бишкек аймактык шайлоо комиссиясы бир катар саясий партияларга жазуу жүзүндө эскертүү берет. Бул тууралуу Борбордук шайлоо комиссиясынын басма сөз кызматынан билдиришти.

Бишкек аймактык шайлоо комиссиясы шайлоо алдындагы үгүт иштеринин жол-жобосунун сакталышына мониторинг жүргүзүү боюнча жумушчу топтун корутундусунун негизинде, бир катар саясий партияларга үгүт жүргүзүүнүн эрежелери менен тартибин бузгандыгы үчүн жазуу жүзүндө эскертүү берди.

• үгүт материалдарын объектинин ээлеринин макулдугусуз жайгаштыргандыгы үчүн "Реформа" саясий партиясы;
• 18 жашка чыга элек адамдарды үгүт материалдарында колдонгону үчүн "Социал-демократтар" саясий партиясынан талапкер Сарылдык уулу И.
• "Биздин Кыргызстан" саясий партиясынан талапкерлер Асылбеков Т.А. жана Алымбаев А.А. 18 жашка чейинки адамдардын үгүт материалдарын колдонгону жана үгүт материалдарын аймактык шайлоо комиссиясына бербестен жайгаштырганы үчүн;
• үгүт материалдарын аймактык шайлоо комиссиясына бербестен жайгаштырганы үчүн "Ишеним" саясий партиясы;
• чет элдик жаран тарабынан үгүт жүргүзгөндүгү үчүн "Келечек-Будущее" саясий партиясы.