Ош шаарынын мэри Таалайбек Сарыбашов кайра шайлоодо добуш берди

Ош шаарынын мэри Таалайбек Сарыбашов Ош шаардык кеңешинин депутаттарын кайра шайлоодо өзүнүн тандоосун жасады. Бул тууралуу Ош шаардык мэриясынан билдиришти.

Маалыматка ылайык, Ош шаарындагы шайлоо тилкелери саат 08:00дө ачылган. Ош шаарынын мэри Таалайбек Сарыбашов саат 09:11де №5555 шайлоо тилкесинде добуш берди.

"Бүгүнкү күндө Ош шаарындагы 78 шайлоо тилкесинин бардыгында активдүү добуш берүү жүрүп жатат. Шайлоону таза жана ачык өткөрүү үчүн муниципалитет тарабынан бардык шарттар түзүлгөн. Тиешелүү санитардык ченемдерди жана эрежелерди сактоого өзгөчө көңүл бурулат. Ар бир шайлоочуга бет кап жана кол каптар берилип, тилкелер тынымсыз дезинфекцияланып турат. Бардык шайлоо тилкелери керектүү шаймандар менен камсыздалган. Ош шаарында катталган шайлоочулардын жалпы саны 152 миңден ашуун адамды түзөт", - деген Сарыбашов.