"Евро-2020": Лондондогу финал оюн талаасына чуркап чыккан күйөрман үчүн үзгүлтүккө учурады

Бүгүн, 12-июлга караган түнү футбол боюнча Европа чемпиондугунун финалы Лондон шаарындагы "Уэмбли" стадионунда өтүүдө. Анда Англия курамасы менен Италия оюн өткөрүп жатат.

Оюндун 87-мүнөтүндө күтүүсүздөн стадиондогу күйөрман оюн талаасына чуркап чыкты. Буга байланыштуу финалдык оюн бир аз убакытка үзгүлтүккө учурап, күйөрманды күзөт кызматкерлери алып кеткенден кийин кайрадан уланды.

Учурда оюндун негизги 90 мүнөттүгү 1:1 эсебинде тең чыгуу менен аяктады. Командалар кошумча 30 мүнөттүктү ойнойт.