Кыргызстанда казинолорду кайра ачууга багытталган мыйзам долбоору кайра иштеп чыгууга жөнөтүлдү

Жогорку Кеңештин депутаттары Игорь Гусаров менен Замир Бекбоев Кыргызстанда казинолордун кайра иш жүргүзүүсүнө уруксат берүүнү демилгелөөдө. Бүгүн, 29-октябрда ЖКнын Социалдык саясат комитетинин жыйынында тийиштүү мыйзам долбоору каралмак, бирок кайра иштеп чыгууга бир аптага артка жылдырылды. Комитет жетекчиси Дамира Ниязалиеванын айтымында, демилгечилер долбоордун үстүнөн иштөө үчүн бир апта суранышты жана сунуш добушка коюлуп, колдоо тапты.