АКШдагы "өлүм өрөөнүндө" Жер шарындагы абанын эң жогорку температурасы катталды

АКШнын Калифорния штатындагы "Өлүм өрөөнү" деп айтылган жерде адамзат тарыхындагы эң ысык температура катталды. Бул тууралуу дүйнөлүк басылмалар жазып чыгышты.

Маалыматка ылайык, аталган аймакта абанын температурасы +54 градуска чейин жеткен. Өз кезегинде, АКШнын Улуттук аба ырайы кызматы аталган аймактын көпчүлүк аймактарында күндүн ысышы айрыкча жаш балдарга жана кары-картаңдарга зыян келтириши мүмкүн экендигин эскерткен.

Буга чейинки рекорд ушул эле аймакта 2013-жылы катталган. Анда абанын температурасы +54 градуска чейин көтөрүлгөн.

Айрым булактар 1913-жылы ушул эле аймакта абанын температурасы +56,6 градуска чейин көтөрүлгөндүгүн жазышкан. Бирок бул азыркы убакытка чейин талаш болуп келет. Окмуштуулар анда абанын температурасын өлчөөдө ката кеткендигин билдиришкен. Тактап айтканда, тарыхчы Кристофер Берт 2016-жылы Калифорниядагы 1913-жылдагы абанын температурасы рекорддук көрсөткүч болуп эсептелбей тургандыгын айткан.