Соңку 24 саат аралыгында коронавирус аныкталган дарыгерлердин саны 56ны түздү

Бир сутка ичинде өлкө боюнча 56 медицина кызматкери коронавирус жуктуруп алганы аныкталды. Муну менен өлкөнүн медициналык мекемелеринин кызматкерлеринин арасында илдетке кабылгандардын жалпы саны 6 миң 12 болду.

Бишкек шаары - 29;
Ош шаары – 3;
Ош облусу - 2;
Жалал-Абад облусу – 5;
Баткен облусу - 11;
Чүй облусу – 5;
Ысык-Көл облусу – 1.

Ал эми бир суткада стационардан 10, үй карантининен 23 ак халатчан чыгарылды. Айыккандардын жалпы саны 5 миң 218ге жетти.