Ошто кош бойлуу аялы менен кайненесин сабап өлтүргөн жаран өмүр бою эркинен ажыратылды

Ош шаарында кош бойлуу аялы менен кайненесин сабап өлтүргөнгө айыпталып жаткан жаран өмүр бою эркинен ажыратылды. Бул тууралуу Ош облустук сотунан билдиришти.

Мындай чечимди Ош шаардык соту чыгарган. Бирок айыпталуучунун жактоочусу чечимге макул болбой, облустук сотко апелляциялык арыз жазган. Облустук сотто бул иш 19-июлда каралат.

Окуянын чоо-жайы:

2020-жылы шектүү окуя болгон күнү үйгө мас абалда келип, ортодо уруш чыккан. Кошуналарынын айтымында, шектүү аялын жана кайненесин сабап, эшикти кулпулап кетип калган. Шектүү маркум аялын муштагылап, уруп сабагандыктан денесинин соо жери калган эмес. Аларды ажыратууга аракет кылган келиндин апасын да катуу сабаган. Кийин кайненеси дагы ооруканада көз жумган. Дарыгерлердин айтымында, маркум келин 2 аптадан кийин көз жармак.