Ош. Шаарда жөлөк пул алуучу үй-бүлөлөрдүн саны 604тү түзөт

Ош шаарында бүгүнкү күндө социалдык жөлөк пул алуучулардын саны 604 үй-бүлөнү түзүп, жалпысынан 1 463 өспүрүм баланы камтыйт. Ал эми социалдык жөлөк пулдун орточо суммасы 525 сомду түзөт. Мындан сырткары, Ош шаардык социалдык-маданий өнүгүү бөлүмүнүн маалыматы боюнча, 2013-жылы жергиликтүү бюджеттин эсебинен материалдык жардамдарга 5 миллион 200 миң сом жумшалган. Ал эми мамлекет тарабынан материалдык жардамдарга 12 миллион 700 миң сом каралган. Бул тууралуу мэриянын басма сөз кызматы билдирет.