Баткенде калкты коронавируска каршы эмдөө иштери кызуу жүрүүдө

Баткен облусунда калкты коронавируска каршы эмдөө иштери кызуу жүрүүдө. Бул тууралуу министрлер кабинетинин Баткен облусундагы өкүлчүлүгүнөн билдиришти.

Маалыматка ылайык, ыйгарым укуктуу өкүл Абдикарим Алимбаев жыйындан соң ар бир мекеме-ишканалардын жетекчилерин баш болуп илдетке каршы эмдөөдөн өтүү үчүн облустук үй-бүлөлүк дарыгерлер борборуна баштап барды.

"Андан соң Covid-19 илдетине каршы эмдөөгө облус башчысы жубайы менен биргеликте катышып, элди вакцинациядан өтүүгө чакырды", - деп жазылат маалыматта.

Бүгүнкү күндө Баткен облусуна Covid-19 илдетине каршы эмдөөгө Синофарм вакцинасынын 40 миң дозасы келип, облус аймагындагы район, шаарларга жеткирилген. Алдыда этап-этабы менен илдетке каршы вакцинациянын дозасы алынып келүүсү күтүлүүдө.