Фотоальбом. Өзгөндүн өрт жигити Дайыр Исмадияровдун образдарын эске салабыз

Бүгүн эстрада ырчысы Дайыр Исмадияров 35 жашка толду. Ал 1986-жылдын 16-июль күнү Ош облусуна караштуу Өзгөн районунун Мырза-Аке айылында төрөлгөн.

Ырчы бул ирет туулган күнүн тар чөйрөдө жакындары менен белгилеп, шаар сыртына чыгарын айтат. Ал эми куттуктоолордун көп болуп жатканын, буга чейин мынчалык рахмат айта электигин кошумчалады.

Ырчынын 35 жашын утурлай анын архив сүрөттөрүн топтодук, образдарына көз чаптырдык.

Дайыр Исмадияров Кыргыз агрардык университетинде психология адистиги боюнча билим алып, окуу жайда бир жыл мугалим болуп иштеген. Өзгөндүн өрт жигити 2007-жылы сахнага "Студенттик күндөр" ыры менен кадам таштаган. Аны корейлерге окшош деп ашык болгондор көп болгон.

Ал "Сүйөм сени”, “Студенттик күндөр”, "Ананай", "Кара көз" жана башка чыгармалары менен элге белгилүү болгон.

Дайыр 2016-жылдын сентябрь айында Жанара аттуу бийкечке баш кошуп, бир уулдуу болгондон кийин жаш жубайлар ажырашып кетишкен.

16-июлга карата жылнаама.