"Токио-2020": Олимпиадага келип дайынсыз жоголгон 20 жаштагы угандалык спортчунун каты табылды

Япониянын борбору Токио шаарына Олимпиадага катышуу үчүн барып дайынсыз жоголгон 20 жаштагы Уганда өлкөсүнүн оор атлетчиси Жулиус Ссекитолеконун жазып калтырган каты табылды. Бул тууралуу чет элдик спорт басылмалары жазды.

Маалыматка ылайык, спортчу жазган катында Угандада жашоо оор экенин айтып, кайра өлкөсүнө барбай, Японияда иштеп каларын билдирген. Ал ылдам жүрүүчү поездге билет алып кетерин жазган. Ошондой эле ал Уганда делегациясынын мүчөлөрүнөн бардык буюмдарын үйүндө калган аялына өткөрүп берүүнү суранган.

Буга чейин Токио шаарына Олимпиадага катышуу үчүн барган угандалык спортчу дайынсыз жоголгондугу кабарланган.