Ысык-Ата районунда 2 атты уурдады деген шек менен 23 жашар жигит кармалды

Ысык-Ата РИИБинин кылмыш иликтөө бөлүмүнүн кызматкерлери 2 атты уурдаганга шектүү делген жаранды кармашты. Бул тууралуу бүгүн, 20-октябрда Чүй облустук ички иштер боюнча башкы башкармалыгынын басма сөз кызматынан билдиришти.

Аталган мекеменин билдирүүсүнө караганда Ысык-Ата районунун Туз айылынын 46 жаштагы тургуну Болот.Н милицияга арыз менен кайрылып, анда 26-октябрь түнү белгисиз адамдар тамынын артындагы сарайдан 2 атын уурдап кеткенин билдирген. Келтирилген чыгым 150 миң сомду түзгөн. Аталган факт боюнча кылмыш иши козголуп, оперативдүү издөө иш-чарасынын жыйынтыгында ошол эле айылдын 23 жаштгы жашоочусу Азамат К. кармалган. Учурда аттар ээсине кайтарылып, кармалган жигит убактылуу кармалуучу жайга киргизилген. Иликтөө иштери жүрүүдө.