Бишкекте кармашып урушуу боюнча өлкө чемпиондугу жыйынтыкталды

25-27-октябрь күндөрү Бишкекте Раатбек Санатбаев атындагы балдар спорт мектебинде кармашып урушуу боюнча (рукопашный бой) Кыргызстандын чемпиондугу болуп өттү. Аталган өлкө чемпиондугу милиция кызматкерлеринин кесиптик майрамына жана кызмат учурунда каза тапкан милиция кызматкерлеринин жаркын элесине арналды. Мелдешке 30 командадан 215 спортчу катышты. Жыйынтыгында эркектер арасында Туратбек Сулайманкул уулу, Исабек Жуматаев, Кыяз Бакыт уулу, Авазбек Аманбеков, Эсентур Анарбеков, Нурбек Жаңыбаев, Азамат Табылдиев, Бакыт Кутманов, Ордонбек Мааметов жана Иван Винярский аттуу спортчулар жеңүүчү аталышты. Ал эми кыздар арасында Шахриза Халилова, Назира Алымбекова, Нурзат Бактыяр кызы жана Бегимжан Касымова 1-орунду ээледи. Эске салсак, аталган мелдеште мыкты аталган спортчулар 15-18-ноябрь күндөрү Нальчик шаарында өтүүчү мелдешке катышат.