"Токио-2020" Олимпиадасында көптү үмүттөндүргөн Акжол Махмудов тууралуу кененирээк маалымат

Пандемия шартына байланыштуу "Токио-2020" жылдырылган Бүткүл дүйнөлүк жайкы Олимпиада оюндары 23-июль күнү старт алат. Ага Кыргыз өлкөсүнүн атынан 16 спортчу катышат.

Биздин курамадан көптү үмүттөндүргөн чыгаан балбаныбыз Акжол Махмудов менен тааныштырабыз.

Акжол Махмудов Кыргыз өлкөсүнүн грек-рим күрөшү боюнча балбаны, Азия чемпиону, Азия оюндарынын байге ээси, Кыргыз өлкөсүнүн күрөш боюнча көп жолку чемпиону. Эл аралык деңгээлдеги спорт чебери.

Туулуп-өскөн жери: Ош облусунун Араван району

Туулган жылы: 1999-жылы туулган

Үй-бүлөдө: беш бир тууган. Акжол ортончусу. Эки байкеси жана эки карындашы бар. Атасы Махамажан Махмудов 1971-жылы туулган, соода жаатында иштейт.

Спорттун түрү: Грек-Рим күрөшү

Хоббиси: Бильярд, теннис

Машыктыруучусу: Кыргыз өлкөсүнүн эмгек сиңирген машыктыруучусу Мейрамбек Ахметов

Жетишкендиктери:

2015-жылы Индияда өткөн кадеттер (жаш уландар) арасындагы күрөш боюнча Азия чемпионатында алтын медалды жеңип алган;

2016-жылы Тайвань шаарында кадеттер арасында өткөн Азия чемпионатында алтын медалга ээ болгон;

2016-жылы Грузияда өткөн кадеттер арасындагы дүйнөлүк чемпионатта алтын алган;

2016-жылы Москва шаарында кадеттер арасында өткөн Борис Гуревич турниринде чемпион болгон;

2017-жылы Тайвань шаарында жаштар арасындагы Азия чемпионатында алтын утуп алган;

2017-жылы Финляндияда өткөн өспүрүмдөр арасындагы Дүйнө чемпиондугунда күмүш утуп алган;

2017-жылы Стамбулдагы эл аралык турнирде алтын медалга ээ болгон.

2018-жылы - Азиянын чемпиону болгон.