1 жыл мурда бөйрөгүн алмаштырган телеалпаруучу Айдана Жаныбекова: "Дарыгерлер абалым эң жакшы экенин айтышты"

Ырчы Сагын Эргешов күйөрмандарына "Сүйөмүн сени" клибин тартуулады. Клиптеги окуя ырчынын бир кездеги кесиптеши, телеалпаруучу Айдана Жаныбекованын жашоосунан алынган. Бул тууралуу Сагын Эргешов билдирет.

Клиптин башкы каарманы Айдана Жаныбекова учурда Түркияда жүрөт. Ал чет өлкөгө бөйрөгүн алмаштыргандан кийин медициналык кароодон өтүү үчүн барганы өзү менен байланышканыбызда белгилүү боду.

"Операция болгонуна 1 жыл болду. Хирургиялык кийлигишүүдөн кийинки пландык медициналык кароолор да бүттү. Дарыгерлер 1 жыл бою ден соолугума байкоо жүргүзүп турушу керек болчу. Текшерүүлөрдүн жыйынтыгы чыгып, дарыгерлер абалым эң жакшы экенин айтышты, эч кандай коркунуч жок. Учурда аталган өлкөдө эс алып жүрөм", - деди ал.

Буга чейин 5-каналдын телеалпаруучусу Айдана Жаныбекованын эки бөйрөгү жарактан чыгып калганы, анын жардамга муктаж экени маалымдалган. Кийинчерээк ага чет өлкөдөн ийгиликтүү операция жасалганын кесиптеши Сагын Эргешов кабарлаган.

"Сүйөмүн сени" клибин көрүү үчүн шилтеме.