Боомдо бир үй-бүлө мүчөлөрү жол кырсыгына кабылды. Анын кесепетинен 14 жаштагы өспүрүм каза болду

Боом капчыгайында өспүрүм кыздын өмүрүн алган автокырсык катталды. Республикалык жол кыймылынын коопсуздугун камсыздоо боюнча башкы башкармалыгынын маалыматы боюнча, кырсык бүгүн, 22-июлда катталды.

"Саат 16:20 чамасында Бишкек-Балыкчы-Нарын-Торугарт унаа жолунда Тойота Приус унаасынын айдоочусу рулду башкара албай, бетон тосмону сүзүп, чимирилип кеткен. Унааны М.А. аттуу 1973-жылы туулган жаран башкарып бара жаткан. Ал 1977-жылы туулган жубайы, 2007, 2012, 2014, 2017-жылы туулган кыздары менен бара жаткан.

Кырсыктын кесепетинен үй-бүлөнүн 14 жаштагы кызы алган жаракатынан улам каза болду. Ал эми калган 5 адам Балыкчы шаардык ооруканасына жеткирилди", - деди башкармалыктын маалымат катчысы.