"Токио-2020" Олимпиадасында өлкө намысын коргой турган дзюдочу Владимир Золоев менен тааныштырабыз

"Токио-2020" жайкы Олимпиадасында Кыргыз өлкөсүнүн намысын 16 спортчу коргойт. SUPER.KG порталы Олимпиадага жолдомо утуп алган спортчулардын өмүр баянын, жетишкендиктерин тизмектеп чыкты.

Олимпиадада спорттун дзюдо түрү боюнча Кыргыз өлкөсүнүн намысын Владимир Золоев коргойт. Ал 81 килограмм салмак ченинде күч сынашмакчы. Эмесе спортчу тууралуу кыскача баян:

Аты жөнү: Золоев Владимир Русланович. Ата-энеси, бир туугандары Владикавказда турушат. Дзюдочу 2015-жылдан бери Кыргыз курамасында ойноп келет;

Туулган жылы: 4-август, 1993-жыл;

Билими: Жогорку;

Спорттук наамы: Дзюдо боюнча Кыргыз Республикасынын эл аралык даражадагы спорт чебери.

Спорттук жетишкендиктери:

2016-жылы — “GRAND PRIX ALMATY” эл аралык мелдешинде коло медалдын ээси (Алматы, Казакстан);

2017-жылы — Ислам тилектеш оюндарында коло медалдын ээси (Азербайжан, Баку);

2017-жылы — Азия Чемпиондугунда коло медалдын ээси (Гонконг);

2017-жылы — “MINSK EUROPEAN OPEN” эл аралык мелдешинде коло медалдын ээси (Беларусь);

2018-жылы – “Tashkent Grand Prix” эл аралык мелдешинде коло медалдын ээси (Өзбекстан);

2021-жылы – рейтингдик Азия жана Океания Чемпиондугунда алтын медалдын ээси (Бишкек);

2021-жылы - 2021-жылдын Олимпиада оюндарына жолдомо.