Баткен облусуна өзгөчө макам берүү мыйзам долбоору үчүнчү окууда кабыл алынды

Баткен облусуна өзгөчө макам берүү мыйзам долбоору бүгүн, 22-июлда Жогорку Кеңештин жыйынында үчүнчү окууда кабыл алынды. Бул тууралуу Жогорку Кеңештин маалымат кызматынан билдиришти.

Аталган облуска өзгөчө макамы берилгенден кийин товарларды мамлекеттик сатып алуунун өзгөчө режими киргизилип, тургундарга мамлекеттик жана муниципалдык кызмат көрсөтүүдө жеңилдиктерди сунуштоо пландаштырылууда. Ошондой эле аталган мыйзам долбоорунун алкагында президенттин Баткен облусундагы өкүлүнүн ыйгарым укуктарын күчөтүү каралгандыгы белгиленди.