Равшан Жээнбеков: "Кыргызстанда дагы бир Аксы пайда болуп жатат"

"Кыргызстанда экинчи Аксы пайда болуп келе жатат. Жети-Өгүздө абал оор". Бул сөздү Жогорку Кеңештин 30-октябрдагы жыйынында депутат Равшан Жээнбеков айтты. Депутаттын айтымында, бул маселени күн тартибине киргизип, тез арада чечиш керек. "Жети-Өгүздөгү Саруу, Дархан айылдарындагы кырдаал өзүнөн өзү оңолуп кетет десек жаңылышабыз. Бул маселе боюнча парламентке тийиштүү адамдарды чакырып, маалыматын угалы. Эртең бир жерде кан төгүлүп кетсе, ага сиз да жоопкер болуп калышыңыз мүмкүн",- деди депутат төрага Асылбек Жээнбековго кайрылып. 

Бул сунушту көпчүлүк депутаттар колдошту.