"Кафе ээсинен 9 миң доллар пара алган". УКМК тарабынан Жер ресурстары башкармалыгынын кызматкери кармалды

УКМК тарабынан Бишкек шаарынын мэриясынын түзүмдүк бөлүмүнүн кызматкери кармалды. Аталган комитеттин маалыматына ылайык, далилдер жетиштүү болгондугуна байланыштуу УКМК тергөө камак жайынын убактылуу кармоочу жайына киргизилди.

"Мекеменин кызматкери М.А. Кытай грантынын эсебинен оңдолуп жаткан Түгөлбай-Ата (Линейная) көчөсүн реконструкциялоо долбооруна өзгөртүүлөрдү киргизүү үчүн жолдун боюнда жайгашкан соода объектисин сактап калуу үчүн кафенин ээсинен 9000 миң доллар өлчөмүндө пара алгандыгы аныкталган. Ал мурда алынган 6000 миң доллар өлчөмүндөгү параны кайтарып берүү учурунда колго түшүрүлдү.

Азыркы учурда кылмыш ишине тиешеси бар адамдардын бардыгын аныктоого багытталган тергөө-оперативдик иш-чаралардын комплекси жүрүп жатат", - деп айтылат билдирүүдө.