Депутаттар өкмөттүн айрым мүчөлөрүнүн кечигип ант берип жатышы мыйзамга каршы экенин айтышууда

Жогорку Кеңештин 30-октябрдагы жыйынында депутат Дастан Бекешев өкмөттүн айрым мүчөлөрүнүн кечигип ант бериши мыйзамга каршы экенин айтып чыкты. "Мыйзам боюнча, өкмөт мүчөлөрү кызматка дайындалган күндөн кийин 2 аптанын ичинде ант бериши керек. Эми булардын антын алуунун зарылчылыгы жок",- деди Бекешев. Муну айрым депутаттар да колдошту. 

Төрага Асылбек Жээнбеков өкмөт мүчөлөрү ант бере турган учурда депутаттар каникулга чыгып кеткенин, буга байланыштуу ант берүү аземи артка жылганын билдирди.