Москвадагы университеттеги кыргыз борборуна Айтматовдун ысымы берилди

Москва мамлекеттик лингвистика университетиндеги Кыргыз тили жана маданияты борборуна Чыңгыз Айтматовдун ысымы ыйгарылды. Мындай чечим 28-октябрдагы ЖОЖдун окумуштууларынын кеңешмесинде кабыл алынган. Аталган университетте өткөн конференциянын жана аталган борбордун коноктору жазуучунун бир тууганы Роза Айтматова, КРнын Илимдер академиясынын вице-президенти Абдылдажан Акматалиев, СССРдин Эл артисти Болот  Шамшиев, Кыргызстандын Эл жазуучусу Казат Акматов, КРнын Орусиядагы элчиси Болот Жунусов жана башкалар болду. 

Мындай маалымат аталган окуу жайдын жетекчилери тарабынан билдирилди.