"Мыкты мейманканада жашоо же 100 доллар". Нью-Йорктун мэриясы вакцина алган жарандарга сыйлык берет

АКШнын Нью-Йорк шаарынын жашоочуларына коронавируска каршы вакцина алгандыгы үчүн сый акы берилет. Бул тууралуу аталган шаардык мэриянын сайтына шилтеме берүү менен чет элдик басылмалар жазышат.

Маалыматта айтылгандай, вакцина алгандарга акча каражаты жана ар кандай белектер берилет. Жарандар сый акынын түрлөрүн тандай алышат. Мисалы аларга коомдук театрга бир жылдык абонемент сунушталат. Ошондой эле браслет же эс алуучу жайлардын бирине үй-бүлөсү менен эс алууга бекер билеттер берилет.

Мындан сырткары вакцина алгандар "супер утуштун" катышуучулары болушат. Анда жашы 18ден жогору болгон жарандар шаардагы эң мыкты мейманканада белгилүү бир мөөнөткө чейин жашоого же 2500 доллар алууга мүмкүнчүлүк алышат.

Ал эми коомдук жана диний уюмдар үчүн вакцина алгандарга да сыйлык бар. Аларга эмдөөдөн өткөндүгү үчүн 100 доллар берилет.