Кыргыздын ала кийиз жана шырдагы ЮНЕСКОнун маданий мурастарынын тизмесине катталууда

Франциянын борбору - Парижде ЮНЕСКОнун Материалдык эмес маданий мурастар боюнча комитетинин жыйынына ЖКнын депутаты Карганбек Самаков башында турган делегация катышууда. Белгилүү болгондой, бул жыйында кыргыз өкүлдөрүнүн кыргыздын ала кийизи менен шырдагын ЮНЕСКОнун маданий мурастарынын тизмесине каттатуу аракети ишке ашты. Маалыматтар боюнча, кийинки жылы ЮНЕСКОнун маданий мурастарынын тизмесине "Манас", "Семетей", "Сейтек" эпосторун каттоодон өткөрүү маселеси каралат.