Ухан вирусу: Дүйнөдө ковид-19ду жуктургандардын саны 197 миллиондон ашты

Тектеш кабарлар: Дүйнөгө тараган коронавирус боюнча башка маалыматтар (8923 материал)

Дүйнөдө коронавирус инфекциясын 197 миллион 368 миң 310 адам жуктуруп алды. Анын ичинен 4 миллион 208 миң 555 адам илдеттен каза болду. Статистикалык маалымат бүгүн, 31-июлга карата алынды.

Коронавирус эң көп катталган өлкөлөрдүн сап башында АКШ турат. Анда ооругандардын жалпы саны 34 миллион 946 миң 198 болду. 613 миң 15 адам каза болсо, канча адам айыгып чыкканы боюнча маалымат жок.

Экинчи орунда Индия өлкөсү турат. Бул жакта коронавирус инфекциясы 31 миллион 613 миң 993 адамдан аныкталды. 423 миң 810 адам каза болду.

Ал эми Бразилия өлкөсү үчүнчү орунда. Бразилияда 19 миллион 880 миң 273 адам вируска кабылган. 555 миң 460 бейтап көз жумду.

Жогорудагы маалымат АКШдагы Жон Хопкинс атындагы университетинин сайтынан алынды. Аталган булак Саламаттыкты сактоо боюнча дүйнөлүк уюм, коронавирус катталган өлкөлөрдүн Саламаттыкты сактоо министрликтери берген маалыматка таянып, сутка ичинде бир канча ирет жаңылоо менен вирустун тарашы боюнча статистиканы көзөмөл кылып жатат.