"Токио-2020": Кыргыздын кубанычы! Айсулуу Тыныбекова атаандашын 10:0 эсебинде жеңип, финалга чыкты

Бүгүн, 3-августта кыргыз балбан кызы Айсулуу Тыныбекова "Токио-2020" жайкы Олимпиада оюндарында финалга чыкты. Балбан кыз украиналык балбан Ирина Коляденко менен кез келди. Анда Тыныбекова атаандашын буйдамга келтирбей, 10:0 эсебинде жеңип алды.

Айсулуу Тыныбекова алгачкы жүрүшүн 1/8 финалда баштап, анда латвиялык Алёна Григорьева аттуу балбан кыз менен кез келип, 8:0 эсебинде мөөнөтүнөн мурда жеңип , чейрек финалга чыккан. Чейрек финалда Айсулуу Тыныбекова румыниялык Криста Тунде аттуу балбан кыз менен кез келип, атаандашынын далысын жерге таза басып, жеңишке жеткен.

Финалда Айсулуу Тыныбекова былтыр, 2020-жылы Азия чемпиондугунда жеңилип калган япониялык Юкако Каваи менен кез келет.

Муну менен Айсулуу Тыныбекова өлкө тарыхындагы кыз-келиндер арасында биринчи жолу финалга чыкты. Айсулуу баракелде!!!