Орусиядан келген. Кеминде 15 жаштагы кыз көз жарды

Чүй облуснунун Кемин районунда 15 жаштагы кыз көз жарды. Бул тууралуу Чүй ОИИББинин маалымат кызматынан билдиришти.

Маалыматка караганда, бүгүн, 3-августта саат 9:15тер чамасында Кемин РИИБинин "102" кызматына жашы жете элек кыздын көз жарганы боюнча маалымат келип түшкөн.

Кемин РИИБинин кызматкерлери кыздын аты-жөнүн аныкташканда, ал 2006-жылы туулгандыгы такталган. Ошондой эле жашы жете элек кыздын ата-энеси ажырашып кеткени, алардын бири менен Орусияда 3 жашынан бери жашаганы аныкталган.

Алдын ала маалыматтар боюнча, ал 2020-жылы 2001-жылы туулган жаран менен таанышып, андан соң нике кыйдырышкан. Андан кийин ал баланын ата-энеси менен Орусияда жашаган, бирок кыз мекенине көз жаруу максатында келген. Кеминде күйөөсүнүн туугандары болгон. Ал 2-августта саат 6:30дар чамасында көз жарган.

Аталган факты Кылмыштардын жана жоруктардын бирдиктүү реестрине Жазык кодексинин
164-берене (Он алты жашка чыга элек адам менен сексуалдык аракеттер) боюнча каттоого алынып, териштирүү иши башталган.