Өкмөт башчы: "Быйыл кышында электр энергиясынын баасы кымбаттабайт"

"Быйыл кышында электр энергиясына болгон баа кымбаттабайт, бирок бул маселени эртеби-кечпи карашыбыз керек",- деди премьер-министр Жантөрө Сатыбалдиев бүгүн, 31-октябрда "Энергетикалык тармактагы реформа" аттуу эл аралык конференцияда. Айтымында, энергетика тармагы учурда экономикалык гана эмес, саясий маселе. Өкмөт башчы бүгүнкү күндө бааны көтөрүүгө болбостугун, коомдук-саясий кырдаал буга жол бербей турганын айтты. Бирок кийин бул маселени кароо зарыл экенин да кошумчалады.