Кыргызстандык теннисчи Ксения Палкина Түркияда өтүп жаткан мелдеште чейрек финалда жеңилди

Кыргызстандык теннисчи Ксения Палкина 28-октябрь-3-ноябрь аралыгында Түркиянын Стамбул шаарында байге фонду 25 миң доллар болгон мелдеште чейрек финалда утулду. Бул тууралуу Эл аралык теннис федерациясынын расмий сайты жарыялады. 30-октябрь күнү Ксения Палкина мелдештин жупта ойноо бөлүгүнүн чейрек финалында өзбекстандык Нигина Абдураимова менен бирге грузиялык София Шапатава менен украиналык Анастасия Васильевага каршы беттешип, 4:6, 3:6 эсебинде жеңилип, аталган мелдештен калды. Айта кетсек, буга чейин Ксения Палкина мелдештин жалгыздан ойноо бөлүгүндө жеңилип, мелдештеги жолун токтоткон болчу.