Ош. Аялдын жансыз денеси өз үйүнөн табылган

29-октябрда саат 13:30 чамасында Ош шаарынын Мирсатова көчөсүнүн 1-үйүнүн жашоочулары ошол эле үйдүн 19-батиринин ичинен жагымсыз жыт чыгып жаткандыгы тууралуу Ош шаарындагы Ак-Буура милиция бөлүмүнө кабарлашкан. Окуя болгон жерге Өзгөчө кырдаалдар министрлигинин куткаруу кызматы барып, альпинисттердин шаймандарынын жардамында үйдүн терезесинен кирип, эшигин ичинен ачышкан. Жыйынтыгында үй ээси, 1933-жылы туулган М.А. аттуу аялдын жансыз денеси табылган. Аталган факт боюнча учурда иликтөөлөр жүрүүдө. Бул тууралуу Өзгөчө кырдаалдар министрлигинин басма сөз кызматы билдирди.