Жириновский Орусиянын Кыргыз өлкөсүндөгү элчисин чакыртып алууну жана алаканы үзүүнү сунуштады

Орусиянын ЛДПР партиясынын лидери Владимир Жириновский Орусиянын Кыргыз өлкөсүндөгү элчисин чакыртып алууну жана орус тилдүү сатуучу аялга кол салуудан улам бул өлкө менен соода-экономикалык байланышты үзүү сунушун киргизди. Бул тууралуу орусиялык басылмалар жазышты.

"Кыргыз өлкөсүндөгү элчини тез арада чакыртып алгыла. Ошондой эле бул мамлекет менен болгон бардык соода байланыштарын токтоткула", - деди саясатчы.

Мындан тышкары, Жириновский Кыргыз өлкөсүнүн Орусиядагы элчилигинин алдына митинг уюштурууну талап кылып, ага жеке өзү келерин айткан. "Кыргыз мигранттарды Орусиядан депортациялоону талап кылабыз", - деп кошумчалаган Жириновский.

Эске салсак, Бишкекте балдар паркында сатуучу кызды калькулятор менен башка чаап жиберген видео тараган. Октябрь райондук милициясынан билдиргендей, окуя 2-август күнү Горький жана 7-Апрель көчөлөрүнүн кесилишиндеги соода борборунда болгон. Арыз жазган кыздын айтымында, ал күнү бейтааныш эркек киши мас болуп алып, аны менен урушуп, сөгүнгөн. Чатакташып жатканда калькулятор менен башка чаап салган.

Бул окуя боюнча Орусиянын Кыргыз өлкөсүндөгү элчиси Николай Удовиченко социалдык тармактагы баракчасы аркылуу оюн билдиргенин жергиликтүү басылмалар жазып чыккан.