Калькулятор менен башка чапкан окуя боюнча блогер Илья Варламов: "Бизге Орто Азиядан адамдар келсе аэропорттон эле экинчи сорттогу адамдай көрүшөт"

Белгилүү орусиялык блогер Илья Варламов Бишкектеги соода борборунда Кыргыз жараны орус тилдүү кызга кол салган окуя боюнча өзүнүн телеграм каналына билдирүү жасады.

Билдирүүсүндө Варламов улутчул эместигин жана орустардын бардык жерде өздөрүн эркин сезишин каалай тургандыгын билдирген.

“Мен улутчулдарды жактырбайм. Мен дагы кыргыздардын, өзбектердин жана казактардын Орусияда эркин жүрүшүн каалайт элем. Анткени Орто Азиядан Орусияга келгендерди аэропорттогу паспорттук көзөмөлдө эле экинчи сорттогу адамдай көрүшөт. Орус чек арачылары үнүн бийик чыгарып, орой мамиле кылышат”, - деп жазды Варламов.

Окуянын чоо-жайы:

Бишкекте балдар паркында сатуучу кызды калькулятор менен башка чаап жиберген видео тараган. Октябрь райондук милициясынан билдиришкендей, окуя 2-август күнү Горький жана 7-Апрель көчөлөрүнүн кесилишиндеги соода борборунда болгон. Арыз жазган кыздын айтымында, ал күнү бейтааныш эркек киши мас болуп алып, аны менен урушуп, сөгүнгөн. Чатакташып жатканда калькулятор менен башка чаап салган.