"Жүк ташуучу унаанын бири Тажикстандыкы". Баткенде аткезчилик жол менен өтүп бара жаткан көмүр кармалды

Кечээ, 11-августта Баткен облусунун Лейлек районуна караштуу Майты аймагында баасы 29 миллион сомду түзгөн аткезчилик жол менен өтүп бара жаткан жүк кармалды. Бул тууралуу УКМКнын чек ара кызматынан билдиришти.

Маалыматка ылайык, чек арадан 500 метр алыстыкта кызматкерлер эки жүк ташуучу унаага бир нече жарандар көмүр жүктөп жатканын байкашкан. Окуя болгон жерге чек ара кызматкерлери барганда аталган жарандар качып кеткен. Натыйжада, бир Кыргыз жараны эки унаасы менен кармалган.

"Аталган жүк ташуучу унаанын бирине Тажикстандын номери тагылган, анда болжол менен 6-7 тонна көмүр бар. Алдын ала эсептөөлөр боюнча жүктүн жалпы баасы 29 миллион сомдон ашык болгон. Тийиштүү документтер толтурулгандан кийин кармалган жаран жана жүктөр унаалар менен кошо укук коргоо органдарына өткөрүлүп берилген", - деп билдиришти чек ара кызматынан.