ЖЫЛНААМА, 19-АВГУСТ: Бүткүл дүйнөлүк гуманитардык жардам күнү

Бүгүн, 19-август - Бүткүл дүйнөлүк гуманитардык жардам күнү.

Бириккен улуттар уюмунун башкы ассамблеясы өзүнүн резолюциясы менен 2008-жылы 11-декабрда бул күндү Бүткүл дүйнөлүк гуманитардык жардам күнү деп атаган. Бул датаны календарга киргизгени менен көрсөтүлүп жаткан гуманитардык жардамдар тууралуу коомчулукка маалымат берүүнү жогорулатуу маселесин койгон.

Бүткүл дүйнөлүк гуманитардык жардам күнүндө ар кандай маалымат жана билим берүүчү иш-чаралар өткөрүлөт. Андан тышкары, ушул тармакта иштеп, башкаларга жардам берүүнү көздөп өз жашоосу менен коштошкондорду дүйнө жүзү боюнча эскеришет. Алардын бири - БУУнун кызматкери Сержиу Виейра ди Меллу 2003-жылы 19-августта Багдаддагы жардыруудан улам каза тапкан. Бүткүл дүйнөлүк гуманитардык жардам күнү анын урматына ушул күнгө коюлган.

19-августтун жылнаамасы.