"Талибандар" Фейсбукту аккаунттарын өчүрүп, сөз эркиндигине бөгөт койгону үчүн айыпташууда

"Талибан" кыймылынын басма сөз катчысы Забиулла Мужахид Фейсбук компаниясы тарабынан талибдердин аккаунттарына жана билдирүүлөрүнө адилетсиз мамиле кылынууда деп эсептейт. Бул тууралуу чет элдик басылмалар жазып чыгышты.

Маалыматка ылайык, ал компанияны "сөз эркиндигин бузду жана кыймылдын тарапкерлеринин укуктарын бузду" деп айыптады.

Өткөн шейшемби күнү компаниянын өкүлдөрү "Талибан" террордук уюм катары санкцияга кабылган. Ошондой эле АКШнын мыйзамдарына ылайык, ага радикалдуу кыймылды колдоого байланыштуу контентти Фейсбук жана Инстаграм социалдык түйүндөрүндө, ошондой эле Ватсап мессенжеринде жайгаштырууга тыюу салынган. Компания тыюу салынган постторду, иллюстрацияларды жана видеолорду көзөмөлдөп, керек болсо өчүрө турган атайын топ түзгөн.

Фейсбук талибдерге жана алардын жактоочуларына таандык аккаунттарды, ошондой эле кыймылды колдогон билдирүүлөр жарыяланган профилдерди жаба турганын билдирген.

Маалымат үчүн: "Талибан" кыймылы - Кыргыз өлкөсүнүн аймагында террористтик жана экстремисттик уюм катары таанылган жана ишмердүүлүгүнө тыюу салынган.