Супер-Инфо
super.kg видео
Акын Мирлан Самыйкожо: "Сөз менен чаба билген Акжол азамат экен"
Белгилүү акын Мирлан Самыйкожонун калемине таандык "Бирик Кыргыз" ырын Токиодо өткөн Олимпиада оюндарында күмүш медаль алып келген Акжол Махмудов аянтта көркөм окуп, көпчүлүк элди толкуткан. Бул боюнча акын төмөнкүдөй пикирин билдирди.
"Ыр окуу керек болгон жерлерде мен дагы өзүмдүн эмес, башка акындардын ырларынан көркөм айтам. Ошол эле Элмирбек Иманалиев, Зайырбек Ажыматов, Алтынбек Исмаилов, Эрлан Жумагазиев, андан улуулар Жолон Мамытов, Турар Кожомбердиев өңдүү акындардын ырларын айтып жүрөм. Ал эми менин ырымды Акжол окуганда "ыр айтылат да" дегендей эле кабыл алдым. Бирок орой чалганды да, торой чалганды да билеги менен эле эмес, сөзү менен чаба билген Акжол азамат экен. Муну менен катар эле Акжолдун үй-бүлөсү дагы окумал адамдар экендигинен кабар алдым. Менин ырым окулганына эмес, желегибиздин желбирегенине, жеп-жутарлар жеген күмүш, алтындын өлкөбүзгө кайтып келип жатканына сүйүндүм", - дейт Самыйкожо.
"Бирик Кыргыз"
Уруу белек уюгу бириндеген.
Уюткусу жок беле жети атаңдын,
Улуулугун боюна сиңирбеген.
Көркү шамдай жаркыган билик Кыргыз.
Бөлүнгөндө бүлүнөт бүтүмдүгүң,
Бөлөктөргө жем болбой бирик Кыргыз!
Тексиздердин артынан ээрчип кеткен.
Мезгилдери болгонбу бабалардын,
Мекенинин бир бурчун кемтип кеткен.
Салтын бийик сактаган жигит Кыргыз.
Сан миң жылды карыткан тарыхың бар,
Сай-сайларга бөлүнбөй бирик Кыргыз!
Найнык белең элиңдин тилин бузган.
Ырксыз белек ырысы ыдыраган,
Ынтымактуу журтуңдун жигин бузган.
Нагыз улуу дүйнөңө кирип Кыргыз.
Кокту-колот жериңди коё туруп,
Кол башында муштумдай бирик Кыргыз!
Жең ичинен жерлерин саткан жаман.
Күлкүсүнөн күйүтү арбын болуп,
Күндүз күнү кызарып баткан жаман.
Кастарыңды башкага тигип Кыргыз.
Кайырчыдай жер кезип жүрө бербей,
Кадырыңды кетирбей бирик Кыргыз!
Келечектин кендирин кескен болбойт.
Ыйман, абийир, арыңды сыйрып салып,
Ырыскыңды ыгы жок тепкен болбойт.
Бүт милдетти моюнуңа илип Кыргыз.
Башкаларга кол сунуп жалдырабай,
Байрагыңдын түбүнө бирик Кыргыз!
Биримдиктин билегин күчтөгүлө.
Тагдырыңды өзүңдүн колуңа алып,
Тыштан келген жардамды күтпөгүлө.
Тууңду көтөр ар дайым бийик Кыргыз.
Түркөйлөргө чөгөлөп тизе бүкпөй,
Түндүгүңдүн алдына бирик Кыргыз!
-2
1 |