"Элди кыжырданткан пранк, хайптардын бири". Бул ирет жаш кыздын көчөгө дарбызды жара чаап салып жегени талкууда

Социалдык тармактарда бул ирет жаш кыздын көчөгө дарбызды жара чаап салып жегени талкууга жем таштады. Интернет колдонуучулар жаш кыздын мындай жоругуна нааразы болгон билдирүүлөрүн калтырышып, бул жорук жазасыз калбаш керектигин жазышууда.

"Жанында болсом чачын бирден жулуп тазалаттырат элем",

"Бул кылыгы үчүн айып же бир ай "Тазалык" ишканасында иштөө иретинде жаза берилсин",

"Хайп үчүн эмнени гана кылышпайт. Бул нерсенин аягы жакшылыкка алып барбайт",

"Акыркы мезгилдерде акылы тайкылардын эл астында акылсыз иштери менен мактануусу күч алды",

"Кандай гана жийиркеничтүү! Артынан ким жыйнайт?",

"Адамдар интернетти туура колдонууну билбегендиктен ушундай акылга сыйгыс нерселер болууда. Китеп окубай калышты" деген пикирлерин жазышууда.

Ал эми видеонун аягында жаш кыз Асел аттуу кыз берген тапшырманы аткаргандыгын айткан. "Тапшырмаңды аткардым, эми сага тапшырма: Сен апаң менен сүйлөшпөгөнүңдү билем. Эненин таманынын астында бейиш дейт, сен апаңа чаласың, кечирим сурайсың. Аткар, күтөм", - деп жазган кыз.