Футбол боюнча Италиянын чемпиондугунда “Ромадан” жаңы рекорд

31-октябрь күнү "Рома" "Кьево" менен болгон беттеште кезектеги 10-жеңишине кол жеткизди. Учурда "Ромада" бул рекордду узартууга дагы да мүмкүнчүлүк чоң

Футбол боюнча Италиянын чемпиондугунда алгачкы 10 турда бардык беттеште жеңишке жетип, 30 упай топтогон римдик “Рома” жаңы рекорд жаратты. Буга чейин рекорддук көрсөткүч 2005-2006-жылы алгачкы 9 беттеште жеңген туриндик “Ювентуска” таандык болгон. Бирок ал сезон жыйынтыкталгандан кийин 1-орунду ээлеген “Ювентус” атайын уюшулган оюндарга шектелип, чемпиондук наамы 2-орунду ээлеген “Интерге” өткөрүлүп берилген. Анда мурдагы рекорд болсо 1985-1986-жылы алгачкы 8 беттеште жеңген ошол эле “Ювентуска” таандык болгон. Быйылкы сезон “Рома” үчүн болуп көрбөгөндөй ийгиликтүү башталды. Ал эми Европада алдынкы делген чемпиондуктардагы алгачкы беттештеги рекорддор төмөндө:

Англия. 1961-1962-жылы “Тоттенхем” алгачкы 11 беттеште жеңген.

Испания. 1968-1969-жылы “Реал” 9 беттеште жеңген.

Германия. 2012-2013-жылы “Бавария” 8 беттеште жеңген.

Франция. 1936-1937-жылы “Лилль” 8 беттеште жеңген.