"Талибан" кыймылы аларга достук мамиледе болду деген өлкөлөрдү атады

Ооганстандын бүтүндөй аймагына ээлик кылган "Талибан" кыймылы аларга достук мамиледе болду деген өлкөлөрдү атады. Бул тууралуу аталган уюмдун өкүлү Мухаммед Наимге таянуу менен чет элдик басылмалар жазышты.

"Кытай биздин коңшубуз, биз бул өлкө менен жакшы мамиледебиз. Бул Орусияга дагы тиешелүү", - деген ал.

Мындан тышкары, Наимдин айтымында, талибдер Иран, Кытай, Пакистан жана Өзбекстан менен эзелки мамиледе жана бул өлкөлөр батыш өлкөлөрүнөн айырмаланып, талибдердин бийликке келгенине тынчсызданышпайт.

"Биз Ооганстанга коңшу өлкөлөр менен мамиле түзүп, ар дайым байланыштабыз жана алардын өнүгүшүн каалайбыз", - деп кошумчалаган "Талибан" кыймылынын өкүлү.

Эскерте кетсек, "Талибан" кыймылы Кыргыз өлкөсүнүн аймагында террордук жана экстремисттик уюм катары таанылган жана ишмердүүлүгүнө тыюу салынган.