Америкалык рэпер Канье Уэст өз атын өзгөртөт

Белгилүү америкалык рэпер Канье Уэст өз ысымын өзгөртөт. Бул тууралуу чет элдик басылмалар жазып чыгышты.

Маалыматка ылайык, ырчы Лос-Анжелестин Жогорку Сотуна өз атын жеке себептерден улам Йе деп өзгөртүү арызы менен кайрылган.

Уэсттин айтуусу боюнча, бул ысым диний мааниге ээ.

“Йе” деген сөз “сиз” деп которулат жана көбүнчө Библияда кездешет”, - дейт ал.

Белгилей кетсек, Канье Уэст 2018-жылы “Йе” аттуу альбомун чыгарган. Көп өтпөй ал атын өзгөртөрүн жарыялаган. Бирок рэпер бул ысымды социалдык тармактарда гана колдонуп келген.

Эске салсак, жакында эле Канье Уэст орусиялык модель Ирина Шейк менен ажырашканы белгилүү болгон.