Фотоальбом: Мектепте 10-класска чейин билим алган, кесиби боюнча сүрөтчү Максат Надырбеков 32 жашта

Алып баруучу, актёр Максат Надырбеков бүгүн, 27-августта туулган күнүн белгилеп жатат. 32 жашка толгон алпаруучу бул күндү ата-энесин куттуктоодон баштады. Ал эми кечинде туулган күнүн жоро-жолдоштору менен чогуу өткөрөрүн айтат.

Максат Надырбеков 1989-жылы Нарын облусунун Баетов айылында төрөлгөн. Балалык чагы аталган айылда өтүп, орто мектепте 10-класска чейин билим алган. Андан кийин Максат Надырбековдун ата-энеси Бишкекке көчүп келишкен. Болочоктогу алып баруучу Чуйков атындагы көркөм сүрөт окуу жайында билим алган.

Максат Надырбеков тойлордо, иш-чараларда алып баруудан тышкары "Мегатой-1", "Мегатой-2", "Эл укпасын", "Кыялкештер" жана башка тасмалардагы образдары менен таанымал.

Алып баруучунун архив сүрөттөрүн карап, окуучулук, студенттик кездеги, коомдук иш-чараларга катышып жүргөн учурларын топтодук.