Кыргыз студенттери Евразиялык изилдөөлөр институтунун М.Ломоносов атындагы стипендиясына арзышты

КРнын Президентинин алдындагы Башкаруу академиясынын 2 студенти быйыл Евразиялык изилдөөлөр институтунун М.Ломоносов атындагы стипендиясына ээ болгонун аталган окуу жайдын басма сөз кызматы билдирет. М.Ломоносов атындагы стипендия кыргызстандык студенттерге 2007-жылдан баштап ай сайын 100 доллар өлчөмүндө берилип келет. Бул жылы стипендия алуу сынагына 300 студент катышып, алардын ичинен Азат Усубакунов менен Анвар Меделбек уулу гана стипендияга ээ болуп отурушат.