Бокс боюнча чеберлер арасындагы казакстандык чемпион Геннадий Головкин наамын ийгиликтүү коргоду

Геннадийди колдоп келген казакстандык күйөрмандар

Бокс боюнча мурдагы Дүйнө чемпиону Леннокс Льюис:"Бул беттеште Геннадий жөн гана сокку узатканды билген боксчу эмес, техникасы күчтүү, акылдуу боксчу экенин көрсөттү"

Беттештин 2-раунддунда америкалык мушкер нокдаун абалына түштү

Беттешке чейин баатыр болгон Кёртис Стивенсден ринг ичинде дайын жок

Беттештин 8-раундду аяктаганда Кёртистин бети адам тааныгыс болгондуктан анын командасы беттешти улантуудан баш тартты

Беттешке чейин баатыр болгон Кёртис Стивенсден ринг ичинде дайын жок

Геннадийдин бул беттешине көптөгөн бокс адистери мыкты деген бааларын берүүдө

Геннадий Головкин чеберлер арасында 29-жеңишине кол жеткизди

2-ноябрь күнү Американын Нью-Йорк шаарында бокс боюнча чеберлер арасында WBA (Дүйнөлүк бокс ассоциациясы) версиясы боюнча 72,6 килограмм салмактагы казакстандык чемпион Геннадий Головкин 9-ирет наамын коргоду. Бул ирет GGG лакап атка конгон Геннадий Головкин америкалык Кёртис Стивенс менен кез келип, техникалык нокаут менен жеңишке жетти. Ошентип чеберлер арасында жеңилүү эмне экенин биле элек GGG жеңиштеринин санын 29га жеткирди. Беттештен кийин GGG: “Бул беттеште мен техникамды жана ыкчамдыгымды көрсөттүм. Элдер кимдин ким экенин көрдү. 2-раунддагы нокдаун абалын кийин бул беттеште жеңем деген ишенимде болдум”,- дейт. Кийинки атаандашы тууралуу: “Мен бардык сунуштарга ачыкмын. Ким менен болсо да беттешүүгө даярмын”, -дейт GGG. Ал эми америкалык мушкер Кёртис Стивенс болсо: “Кетирген каталарымды изилдеп чыгып, кайрадан рингге чыгам”, -деген оюн билдирген.