"Кызым Айсулуу Тыныбекова менен сүйлөшкөндө ыйлап жиберди" дейт жаш балбан кыздын апасы

Интернет айдыңында талкууга алынып жаткан жаш балбан кыз кечээ, 2-сентябрь күнү Айсулуу Тыныбекова менен видео байланыш аркылуу сүйлөштү. Бул тууралуу SUPER.KG порталына балбан кыздын апасы Зарина Миршакирова билдирди.

"Кечээ Айсулуу Тыныбекова менен байланыштык, буюрса, жолукмай болдук. Ал Таласка келет же Бишкекке чакыртып сөзсүз жолугарын айтты. Биз аябай кубандык. Айсулуу кызыма: "Баары алдыда, мен дагы ошол ыкманы жасап жеңишке жеткем. Аракетиң жакшы экен. Ушул жазганыңан тайба" деп жакшы сөздөрүн айтты.

Кызым Айсулуу Тыныбекова менен сүйлөшкөндө толкунданып, ыйлап жиберди. Ал Айсулуу менен жолугуп сүйлөшкүсү келип жатат. Азыр Айсулуу Тыныбекова Ысык-Көлдө экен. Бирок сөзсүз жолугам деди", - деп билдирди Зарина Миршакирова.

Буга чейин Айсулуу Тыныбекова жаш балбан кызга багыт көрсөтүп, жардам берүүгө даяр экенин билдиргени кабарланган.