14 жашында "Мисс гламур" номинациясына ээ болгон. Модель Бегимай Карыбекова 23 жашка чыкты

"Кыргызстан сулуусу-2017" сынагынын жеңүүчүсү, "Аалам сулуусу-2018" сынагынын катышуучусу, италиялык "Emporio Armani" компаниясынын модели Бегимай Карыбекова туулган күнүн белгиледи. Ал Бишкектеги барлардын биринде апасы жана досторунун курчоосунда, фейерверктердин коштоосунда туулган күнүн өткөрүп жаткан сүрөттөрүн Инстаграм баракчасына жүктөдү.

Модель тууралуу кызыктуу фактылар:

* Бегимай Карыбекова 1998-жылы 3-сентябрда Нарын облусуна караштуу Ак-Талаа районунун Тоголок-Молдо айылында туулган.

* Ага 14 жашында "Кыргызстан сулуусу" сынагына катышууга сунуш түшүп, "Мисс гламур" номинациясына татыган. Андан соң 2014-жылы "Мисс бикини КМШ" эл аралык конкурсунда 3-вице-мисс, 2015-жылы эл аралык "Мисс Кейт", "Мисс туризм" сынактарында 1-вице-мисс наамын алган.

* 2016-жылы Германияда өткөн "Дүйнөнүн топ модели" сынагында 50 кыздын арасынан алдыңкы жетинчи орунга илинген. "Miss Intercontinental-2016" сынагынын катышуучусу болгон.

* Ал эми 2017-жылы "Кыргызстан сулуусу" титулунун ээси болуп, "Дүйнө сулуусу-2017" сулуулар конкурсуна жолдомо алган. Бирок Кытайдын Бишкектеги элчиси виза берүүдөн баш тарткандыгына байланыштуу бара албай калган.

* 2018-жылы "Аалам сулуусу-2018" дүйнөлүк сулуулар сынагына катышкан. Муну менен ал аталган сынакка катышкан биринчи кыргыз модель болуп эсептелет.

* Кыргыз өлкөсүндө ал өзүнүн моделдик мектебин негиздеген. Бүгүн, 3-сентябрда 23 жашка толду.

3-сентябрга карата жылнаама.