"Президенттин учагы деген аты эле болбосо эски экен" дейт президенттин учагы менен учкан Гүлжигит Калыков

Түркмөнстанда өткөн 5 мамлекеттин ажолору катышкан мамлекеттик иш-чарага барган Кыргыз Республикасынын Эмгек сиңирген артисти Гүлжигит Калыков маек берип жатып, Ашхабаддан президенттин учагы менен келгенин, аты эле болбосо эски экендигин айтат.

"Жол азабы, көр азабы дегенди ошондо көрдүм. Себеби кетип жатканда жолдо аябай кыйналгам. Биздин өлкөнүн атынан ырчылардан Гүлзинат Суранчиева экөөбүз барганбыз. Кийин министр Кайрат Иманалиев келгенде бизди да кошо учак менен ала кеткилечи, Гүлзинат эжени отургузуп, мен туруп болсо деле кете берем дедим. Президенттин учагы деген эле аты эле болбосо эски экен. Ичи да ысык. От алганда эшиктери ачылып кетти. Коопсуздугу тууралуу айтсам абалы өтө начар. Президенттин жеке дарыгери биз менен отуруп калды, "Германияга барсак учкучтар келип сүрөткө түштү эски учак экен, азыр мындайлар жок деп" дейт. Эки саатта аман-эсен учуп келдик", - дейт Калыков.